Vështirësia që ndjeni në të qenit larg atij që ju pëlqen, është duke dëmtuar shëndetin tuaj mendor. Ky mund të jetë ankthi i ndarjes nga partneri juaj. Si ta kuptoni nëse jeni duke u përballur me të dhe cilat janë, në veçanti, shenjat që tregojnë se vuani nga ankthi i ndarjes nga partneri?
Frika nga braktisja
Le të nisemi nga një supozim themelor, ankthi i ndarjes nga partneri nuk shfaqet pas një ndërprerjeje në një marrëdhënie në çift, por – siç është tipike për ankthin – ai shfaqet së pari, fillimisht në një nivel mendor. Shpesh ata që e përjetojnë këtë ndjenjë ankthi nuk do të kishin asnjë arsye për ta përjetuar atë.
Doni të keni kontroll mbi partnerin tuaj
Çdo ditë ne jemi të angazhuar në një mijë aktivitete të përditshme. 24 orët shpesh duket se nuk janë të mjaftueshme. Angazhimet universitare, puna, palestra, fëmijët, janë të shumta mendimet dhe detyrat që zënë vend nderi në ditët tona. Epo, tani imagjinoni të fusni midis këtyre mendimeve një seri të tërë informacionesh në lidhje me atë që bën partneri, ku është, me çfarë është i angazhuar, me kë ka lidhje dhe kur do të kthehet tek ne. Këto nuk janë mendime kalimtare.
Vështirësi për përqendrim
Ky sinjal kuptohet lehtësisht nga ai i mëparshmi. Në fakt, nëse kur jemi larg partnerit, mendimet tona përqendrohen të gjitha tek ai, ku është dhe çfarë po bën, është e lehtë të imagjinohet se mund të ndikohet përqendrimi ndaj punës ose studimeve tona.
Simptomat fizike
Shumë prej nesh janë të njohur me simptomat që lidhen me ankthin, por ndoshta nuk i njohim edhe ato që lidhen me ankthin e ndarjes. Le ta zbulojmë së bashku! Nga pikëpamja fizike, ja cilat janë shenjat që tregojnë se vuani nga ankthi i ndarjes nga partneri:
-dhimbje barku
-dhimbje koke
-pagjumësia
-dhimbje gjymtyrësh
-shpejtimi i rrahjeve të zemrës
