d181d0b5d180 d181d182d198d183d0b0d180d182 d0bfd0b8d187 d181d0bfd0b5d186d0b8d198d0b0d0bbd0bdd0b8d0bed182 d0bfd180d0b5d182d181d182d0b0 61f78e946b78e

Сер Стјуарт Пич, Специјалниот претставник на Обединетото Кралство за Западен Балкан во дводневна посета на Скопје

January 31, 2022
1 minut lexim

Специјалниот претставник на Обединетото Кралство за Западен Балкан Сер Стјуарт Пич денеска ќе пристигне во дводневна посета на Република Северна Македонија.

Како што соопшти Владината прес-служба, за време оваа прва официјална посетата на земјава во својство на Специјален претставник, Сер Стјуарт Пич ќе биде примен од претседателот на Владата Димитар Ковачевски, а ќе има одвоени средби и со министерот за надворешни работи Бујар Османи и со министерката за одбрана Славјанка Петровска.

Поранешниот шеф на Генералштабот на Армијата на Обединетото Кралство Стјуарт Пич, сега како специјален претставник на премиерот Борис Џонсон, во нашата земја ќе биде примен и од претседателот на Република Северна Македонија Стево Пендаровски.

Во рамките на својата посета на нашата земја, се посочува, специјалниот претставник Пич со своите соговорници ќе разговара за понатамошниот развој на силните билатерални односи меѓу Обединетото Кралство и Северна Македонија и за силната посветеност на Обединетот Кралство на евроатлантската интеграција на Западен Балкан.

За време на неговиот работен престој во Скопје специјалниот претставник Сер Стјуарт ќе се сретне и со претставници на опозицијата и на дел од младинските организации во земјата.

Како што информира Британската амбасада во Скопје, Сер Стјуарт Пич има долгогодишно искуство во регионот, како поранешен началник на Генералштабот на Обединетото Кралство и претседател на Воениот комитет на НАТО, како и од периодот кога служел како Командант на воздухопловните сили на КФОР (НАТО) во Косово. За Специјален претставник на премиерот за Западен Балкан беше назначен во декември 2021 година, а ова е негова прва официјална посета на Северна Македонија во оваа улога.

Како Специјален претставник на премиерот, Сер Стјуарт ќе работи со лидерите од Западен Балкан, и другите претставници од регионот и сојузниците од САД и Европа во поддршка и зајакнување на регионалната стабилност. Неговата работа, исто така, ќе вклучи промовирање на силни демократски институции и отворени општества, преку поддршка во справувањето со сериозниот и организиран криминал и другите заеднички безбедносни предизвици.

-Ова е дел од мисијата на Министерството за надворешни работи на Обединетото Кралство за создавање на глобална мрежа на слобода заснована на подлабоки економски, технолошки, безбедносни и развојни врски. Како слободољубиви демократии, Обединетото Кралство ќе им помогне на Северна Македонија и на земјите од Западен Балкан да го одбранат и унапредат мирот, стабилноста и просперитетот во регионот, стои во соопштението.

Од Северна Македонија, специјалниот претставник Сер Стјуарт заминува во посета на Бугарија, како дел од континуираната посветеност на Обединетото Кралство на стабилноста и просперитетот во регионот на Западен Балкан, наведуваат од Амбасадата.

www.slobodenpecat.mk

MARKETING

RENT A CAR

MARKETING

ishte shume e tepert ish banori i bb vip mozzik nuk zgjodhi te kendonte por te rrinte me donaldin 61f78d6767990
Story i mëparshëm

“Ishte shumë e tepërt”/ Ish-banori i BB VIP: Mozzik nuk zgjodhi të këndonte, por të rrinte me Donaldin

petkov nga tete dite si kryeminister kovacevski kater i ka kaluar ne qeverine bullgare 61f3a7e5e6de8
Story i radhës

Kovaçevski në Prilep, viziton dy shkolla që janë në rindërtim

Të fundit nga

afsqamarhyazeubebnbsbgcacebnyzh-CNzh-TWcohrcsdanleneoettlfifrfyglkadeelguhthahawiwhihmnhuisigidgaitjajwknkkkmkokukylolalvltlbmkmgmsmlmtmimrmnmynenopsfaplptparorusmgdsrstsnsdsiskslsoessuswsvtgtatethtrukuruzvicyxhyiyozu
ShkoLartë