Секторот за внатрешни работи Скопје денеска спроведе засилена акциска контрола за санкционирање на возачите кои не ги пропуштаат пешаците на пешачки премин, односно не ги почитуваат обврските како возачи. Санкционирани се 70 возачи на територија на Скопје, соопшти Министерството за внатрешни работи.
При акциската контрола, како што се посочува, санкционирани се и 83 друг вид на сообраќајни прекршоци.
Од МВР информираат дека и во наредните денови ќе продолжат со ваквите акциски контроли и апелираат до возачите секогаш да ги пропуштаат пешаците односно да ги почитуваат сообраќајните правила и прописи. Исто така, апелираат и до пешаците да ги почитуваат сообраќајните правила и прописи и да го минуваат коловозот на обележан пешачки премин, затоа што непочитувањето на сообраќајните правила ќе биде санкционирано.
