„Згрозен од монструозниот чин на Инспекторот за благосостојба на животните во подрачната единица Берово, на Агенцијата за храна и ветеринарство, најавувам итно постапување, и преземање на сите дисциплински мерки од страна на #АХВ“, напиша министерот за земјоделство Љупчо Николовски на Фејсбук.
Неговата реакција доаѓа откако здружението за заштита на животните Анима мунди објави снимка на која се гледа како група мажи, меѓу кои е и инспекторот чија работа е да ги заштитува животните, играат на музика околу маса на која е поставено живото јагне со врзани нозе.
„Предизвикување стрес, малтретирање, и непотребно страдање на невини животни е за секаква осуда“, напиша Николовски.
