Поранешниот министер за здравство во владите на ВМРО-ДПМНЕ, Никола Тодоров, во вечерашното гостување во емисијата „Само вистина“ на Канал 5, откри кои свои грешки ги смета за најголеми додека ја извршувал министерската позиција.
Како најголема грешка го издвои Законот за абортус.
-Најголема грешка ми е Законот за абортус. Затоа јавно се извинив. Отидов во сфера, во која што со друга идеја тргнав, но не почувствував дека на тој начин ги повредив или загрозувам чувствата на жените. Тоа ми беше огромна грешка. Исто згрешив и со плаќањето по учинок. Тоа се некои работи, кои ако сега сум на функција, не би ги направил. Има и други, не се само две. Далеку од тоа дека немав грешки, појасни Тодоров во гостувањето на емисијата „Само вистина“.
