Премиерот на Северна Македонија, Димитар Ковачевски, прифати да одговори на неколку прашања за МИА по неговата прва работна посета на Брисел, седиштето на ЕУ и НАТО, каде тој оствари средби со челниците на овие две организации.
Ковачевски сака брзо, но и квалитетно решение со соседна Бугарија за да се отворат долгоочекуваните и заслужени преговори со ЕУ. Од разговорот јасно произлегува дека целта на Владата е да воспостави доверба помеѓу двете страни, нешто што го поздравија и челниците на Европската Унија, вели Ковачевски за МИА.
Тој посочува дека ги предупредил неговите соговорници дека секое ново одложување на процесот неминовно влијае врз поддршката на граѓаните, но и врз апетитот на други големи сили на Западен Балкан.
