Скопје доби прв селфи-музеј, посветен на современата визија на автопортретот и љубителите на социјалните мрежи. Лоциран е во трговскиот центар „Сити мол“, а влезницата чини 100 денари за лице, односно 300 денари за 4 посетители.
За деца до шест години, влезот е слободен, а посетата е ограничена на максимум 40 минути и во согласност со сите ковид-мерки.
Има интересен ентериер и 18 различни содржини за создавање фотографии и видеа за социјални мрежи. Поставени се триподи за самостојно фотографирање, како и лице задолжено за поддршка на посетителите.
Во светот веќе постојат вакави верзии на „музеј“, каде се забавуваат посетители од различни возрасти, иако најмногу одговараат за деца над осум години и младинци.
Музејот ќе биде со времен карактер, па така ќе биде отворен до 10 март годинава.
Миа, Јон, Пале и Филип го посетија музејот и еве какви фотографии направија оттаму.
