Малечките улични детски библиотеки постојат на повеќе локации низ Скопје. Уште од првиот момент, овој потег беше поздравен, но и беше изразена недоверба дека вакво нешто може да функционира.
Деструктивноста на одредени поединци во нашата околина е секогаш поголема од добрата намера детските книги да бидат достапни за оние кои навистина сакаат да читаат.
Па така, често се соочуваме со уништени куќички, откорнати вратнички, како и цртање графити врз малите библиотеки. Иако ваквите штети веднаш се санираат, уништувањето продолжува и понатаму.
На Твитер затекнавме интересен коментар, порака до уништувачите кои пишуваат графити: „Ако толку сакаш да пишуваш, напиши книга, ние ќе ја прочитаме“.
Оваа порака е навистина силна, но не знаеме дали воопшто може да допре до оние кои вандализираат се што ќе им се најде на патот.
Уште еден од многубројните примери каква ни е културата и колку ја цениме. Детското книжевно катче обиено и изнашкртано ! Ако толку ти се пишува дечко, напиши книга, ќе ја читаме.
И имаш ѕидови за графити … pic.twitter.com/mCQvZNe9WH— Еквилибрија (@ekvilibrija) February 9, 2022
