Zvicra njoftoi se mbështet bisedimet ndërmjet Kosovës dhe Serbisë për normalizimin e marrëdhënieve, transmeton Anadolu.
Në një postim në Twitter, Ministria e Punëve të Jashtme e Zvicrës ka përshëndetur takimin e fundit mes kryeministrit të Kosovës Albin Kurti dhe presidentit serb Aleksandar Vuçiq në Bruksel për “propozimin evropian” për normalizimin e marrëdhënieve ndërmjet Serbisë dhe Kosovës.
Në postim thuhet se Zvicra mbështet dialogun e lehtësuar nga Bashkimi Evropian (BE) dhe shpreson se negociatat e mëtejshme do të japin rezultatet e dëshiruara.
Ndryshe, Vuçiq dhe Kurti u takuan veçmas dhe më pas në një takim trepalësh me Përfaqësuesin e Lartë të BE-së për Politikë të Jashtme dhe Siguri, Josep Borrell, në Bruksel më 27 shkurt, për të diskutuar propozimin e BE-së për normalizimin e marrëdhënieve ndërmjet Kosovës dhe Serbisë, të njohur edhe si Plani Franko-Gjerman.
