Qeveria zvicerane hodhi poshtë të mërkurën idenë e futjes së një opsioni për gjini të tretë ose pa gjini për të dhënat zyrtare.
Duke iu përgjigjur dy propozimeve nga parlamenti, Këshilli Federal qeverisës tha se “modeli binar gjinor është ende i ankoruar fuqishëm në shoqërinë zvicerane”.
“Parakushtet sociale për futjen e një gjinie të tretë ose për heqjen e përgjithshme të regjistrimit gjinor në gjendjen civile aktualisht nuk ekzistojnë”, thuhet në deklaratë.
Këshilli Federal shtoi se opsione të tilla do të kërkonin ndryshime “të shumta” në kushtetutën zvicerane dhe në ligjet, si në nivel kombëtar, ashtu edhe në 26 kantonet e vendit.
Aktualisht, personat regjistrohen në gjendjen civile si meshkuj apo femra, pa asnjë mundësi tjetër.
Qeveria tha se një komision kombëtar i etikës gjeti në një raport të vitit 2020 se nuk ishte ende koha e duhur për një ndryshim në sistem.
Burimi: GAZETA.MK
