Sot jemi më mirë se dje, po punojmë që e nesërmja të jetë më e mirë se e sotmja, gjithmonë bashkë, – Ali Ahmeti. Me këtë citat të liderit të shqiptarëve në Republikën e Maqedonisë së Veriut, zëvendësministri i Punëve të Brendshme Nazim Bushi ka uruar qytetarët e vendit me rastin e shënimit të 22 vjetorit të nënshkrimit të Marrëveshjes së Ohrit.
Bushi me këtë rast gjithashtu ka thënë se pas luftës dhe miratimit të ndryshimeve kushtetuese në vitin 2001 dhe disa viteve përpjekje, tashmë po tejkalojmë edhe barrierat e fundit drejt barazisë së shumëkërkuar dhe të mohuar ndër vite.
Ky është statusi i plotë në facebook i zv/Ministrit Bushi:
Sot jemi më mirë se dje, po punojmë që e nesërmja të jetë më e mirë se e sotmja, gjithmonë bashkë. – Ali Ahmeti
Me këtë thënie të udhëheqësit të shqiptarëve shpreh urimet e mia me rastin e 22 vjetorit të nënshkrimit të Marrëveshjes së Ohrit.
Pas luftës dhe miratimit të ndryshimeve kushtetuese në vitin 2001 dhe disa viteve përpjekje, tashmë po tejkalojmë edhe barrierat e fundit drejt barazisë së shumëkërkuar dhe të mohuar ndër vite.
Sot gjuha shqipe dhe flamuri kombëtar bashkë me tre universitete në gjuhën shqipe janë zyrtare kurse shqiptarët i gjen gati se në të gjitha dikasteret shtetërore.
Sot jemi pjesë e aleancës euro-amerikane, jemi NATO.
Ne po ndërtojmë autostrada me Republikën e Shqipërisë dhe Republikën e Kosovës me të cilat edhe po unifikojmë kontrollet kufitare.
Negociatat për anëtarësim të Republikës së Maqedonisë së Veriut në Bashkimin Europian janë hapur dhe po përfundojmë skriningun.
Bashkë jemi më të fortë!
#22vjetMO #NATO #BE
