Ministri i Punëve të Brendshme, Besfort Lamallari, ka vizituar mbrëmjen e kësaj të marte zjarrfikësit dhe qytetarët e lënduar nga zjarri që përfshiu një pallat në Tiranë.
Lamallari në një reagim, është shprehur se ende po vijon puna për të vënë nën kontroll të plotë flakët dhe se të lënduar kanë mbetur gjashtë efektivë zjarrfikës dhe dy qytetarë, të cilët po marrin ndihmë në QSUT.
“Teksa vijon operacioni për vënien nën kontroll të plotë të zjarrit në pallatin që u përfshi nga flakët, isha në QSUT për të parë nga afër gjendjen e 6 efektivëve zjarrfikës të lënduar dhe dy qytetarëve.
Fatmirësisht siç më thanë mjekët, ndodhen jashtë rrezikut për jetën. Prej momenteve të para të zjarrit kam qenë gjithashtu në terren bashkë me forca të Shërbimit Zjarrfikës, forca të Policisë së Shtetit dhe skuadrat e Emergjencave Civile që bënë gjithçka ishte e nevojshme për të mos pasur mbi të gjitha pasoja në jetë njerëzish”, është shprehur Lamallari.
Burimi: botasot.info
