Brigada e Zjarrfikësve në Prishtinë aktualisht funksionon me 99 punëtorë.
Por kaq staf nuk është i mjaftueshëm për rajonin që mbulojnë.
“Prishtina duhet t’i ketë 150 zjarrfikës, plus Fushë-Kosova me i pas zjarrfikësit e vetë, Obliqi, Graçanica zjarrfikësit e vetë, ku ne e bëjmë mbulimin edhe të këtyre tri komunave”, thotë Komandanti i Njësisë së Zjarrfikësve në Prishtinë, Latif Zeka.
Ai tregon se mosha mesatare e zjarrfikësve është 51 vjet.
Derisa përballjen me rreziqet e punës e bëjnë pa sigurim shëndetësor.
E për mungesën e stafit i pari i zjarrfikësve deklaroi se kanë parashtruar kërkesa të shumta në institucionet përkatëse por nuk kanë marrë përgjigje.
