Zjarr pranë një pompe të derivateve në Vizbeg! Digjen disa kamionë

Një zjarr i madh ka rënë sonte në zonën industriale në Vizbeg, në afërsi të pikës së karburantit “Hib Petrol”.

Sipas informacioneve fillestare në flakë janë përfshirë katër kamionë, ndërsa për momentin nuk dihet nëse ka persona të lënduar apo çfarë e ka shkaktuar zjarrin.

Ekipet e Zjarrfikësve ndërhyjnë në terren duke tentuar lokalizimin e zjarrit dhe parandalimin e përhapjes së tij.

Nga Qendra për Menaxhimin e Krizave thonë se “përmes numrit të vetëm emergjent 112 në QMK, sonte në ora 21:14 është pranuar njoftim për zjarr në kompaninë “ATLANTIC” në lagjen Vizbeg. Sipas informacioneve fillestare bëhet fjalë për zjarr në dy kamionë, por sipas njoftimit të telefonuesit rrezikon të përfshihen edhe kamionë të tjerë. Në anën e kundërt të rrugës është pika e karburantit HIB Petrol. Menjëherë për situatën janë njoftuar edhe zjarrfikësit.”