Ziberi: Gjyqësori është më pak bashkëpunëtori me Avokatin e Popullit

Janë mbushur një vit nga emërimi i Naser Ziberit në pozitën e Avokatit të Popullit në Maqedoninë e Veriut.

Në një intervistë për “Slobodna TV”, ai tha se ky vit ka kaluar shumë shpejtë dhe me sfida të shumta. Ai tha se për shkak të pandemisë ka pasur pak ankesa nga qytetarët.

“Ka një atmosferë pozitive për ndryshim, por tendenca e ristrukturimit të institucioneve është e ngadaltë. Nuk mjafton vetëm legjislacioni që kemi, por nxitja e nevojshme për njerëzit që po zbatojnë reformat”.

“Çdo reformë që kërkon ndryshim sjelljeje është e vështirë. Këtu përfshihet gjyqësori dhe prokuroria, të cilat e kanë të vështirë të përshtaten me ndryshimin. Futja e vlerësimit të gjyqtarëve, llogaridhënies para Këshillit Gjyqësor apo Këshillit të Prokurorëve Publik shkakton tension në vetë institucionin dhe ka përpjekje për ta shtyrë atë”, theksoi mes tjerash Ziberi.

Ai theksoi se gjykatat dhe gjyqtarët janë në krye të perceptimit të përhapjes së korrupsionit në vend, si dhe ndër më pak bashkëpunëtorët me institucionin e Avokatit të Popullit.

GAZETA.MK

Story i mëparshëm

Gripi i zogjve në një fermë në Holandë, do të asgjësohen rreth 168.000 pula

Story i radhës

Murati: Rreth 130 mijë persona kërkojnë punë , ja sa kërkojnë në Tetovë

Të fundit nga

AlbanianMacedonianEnglish