Grupi i pakënaqur i BDI-së, në një deklaratë për Radio Shkupin paralajmëruan se shumë shpejtë ndoshta edhe të enjten do të dalin me deklaratë dhe të informojnë se çka konkretisht kërkojnë dhe si do të veprojnë në të ardhmen.
“Do të dalim shumë shpejt me një deklaratë ku do të informojmë për këtë qështje” u shpreh për Radio Shkupin Blerim Bexheti, anëtari i kryesisë së BDI-së cili bënë pjesë në të ashtëquajturin “Grupi i zjarrit.
Ai tha se qëndron në thirrjen që secili që ja don të mirën BDI-së mund ti bashkangjitet këtij grupi.
“U bëjë apel të gjithë atyre të cilët ia duan të mirën BDI-së ti bashkangjiten inciativës tonë” tha Bexheti.
Ditë më parë, lideri i partisë,Ali Ahmeti në lidhje me këtë inciativë tha se organet partiake janë funksionale dhe shumica e BDI-së nuk dëshiron anarki, megjithatë çdo kush ka të drejtën të shpreh pakënaqësinë dhe mendimin e vet.
Sipas tij BDI është investim kombëtar dhe nuk rrezikohet nga individë.
Të shtunën, përmes një njoftimi me shkrim, i ashtuquajturi “grupi i zjarrit” në BDI I prëbër prej 20 zyrtarë partie , shprehën pakënaqësitë brenda partisë, ndërsa potencuan se gati për dy vite nuk ekzistojnë dhe nuk themelohen organet statutare partiake.
