Jozyrtarisht nga turistë të Maqedonisë që po kalojnë pushimet në Kavos të Greqisë, TV21 mëson se tre turistë nga Maqedonia që tre ditë janë zhdukur. Udhëheqësi i Agjencisë Rapsodi travel nga Maqedonia i ka informuar se tre persona nga grupi që para 9 ditëve kanë udhëtuar nga Maqedonia për në Kavos, janë zhdukur dhe nuk përgjigjen në telefon, as në grupin e Viber-it. Grupi i turistëve që këtë mëngjes është larguar nga akomodimi dhe duhet të kthehet në shtëpi, kanë publikuar fotografi nga dhoma ku kanë qenë të vendosur tre të rinjtë, në disa vende ka gjurmë gjak dhe mungojnë valixhet e tyre. Zhdukja është denoncuar në policinë greke, e cila sipas detyrës zyrtare duhet të informojë përfaqësinë tonë konsullore në Greqi, dhe ato MPJ e Maqedonisë. Kemi kërkuar konfirmim edhe nga agjencia turistike që ka organizuar udhëtimin, por telefonatave nuk u përgjigjet askush. Ndërkohë kontaktuam me Ministrinë e Jashtme, ku na thanë se do të kontrollojnë informacionin.
Burimi: TV21
