Për mbarëvajtjen e zgjedhjeve të 11 majit do të angazhohen 6500 forca policore, të cilat po trajnohen nga Komisioni Qendror i Zgjedhjeve për rolin që do të kenë në funksion të procesit.
Sipas Drejtorit të Rendit Publik në Policinë e Shtetit, trajnimet kanë nisur prej muajit shkurt në të gjithë vendin, ndërsa funksioni kryesor i policisë është ruajtja e qendrave të votimit, shoqërimi i materialeve zgjedhore, si në shpërndarjen e tyre pranë qendrave të votimit, ashtu edhe më pas në shoqërimin e tyre drejt KZAZ-ve, atje ku edhe numërohen votat.
Fokusi do të jetë tek krimet zgjedhore dhe policia në bashkëpunim me SPAK do punojnë për parandalimin e tyre.
“Do t’i kushtohet vëmendje e veçantë goditjes të krimeve zgjedhore. Sëbashku me Prokurorinë e Përgjithshme ne zhvilluar një trajnim me drejtuesit e strukturaver qëndrore dher vendore. Bashkëpunim me SPAK dhe Prokurorinë e Përgjithshme do të jetë pandërprerje, kryesisht në ditën e procesit zgjedhor”, tha Agron Çela.
Përgatitja e policisë së shtetit për zgjedhjet parlamentare është ndarë në tre faza: Më datën 10 do të fillojë faza e fushatës zgjedhore ku policia e shtetit do të marrë të gjitha detyrimet, do të kryejë shërbime në të gjitha aktivitetet që do të zhvillojnë subjektet politike dhe i garantojmë për paanshëmri për të gjitha subjektet zgjedhore.
Burimi: botasot.info
