Zëvendësministrja e Mbrojtjes e Ukrainës, Hanna Maliar tha të hënën se “lufta është shumë e vështirë” në rajonin lindor të Luhanskut, duke e bërë çdo parashikim “jashtëzakonisht të vështirë” duke pasur parasysh natyrën “dinamike” të luftimeve.
Ajo shtoi se informacioni po ndryshon me shpejtësi “çdo gjysmë ore situata ndryshon“. Ajo tha se nëse forcat ukrainase ose ruse nuk janë në kontroll të plotë të kufirit të një qyteti ose fshati, “është e pamundur të thuhet se cila është situata“.
Në betejën për Severodonetsk, Mailar tha se nuk do të bënte asnjë parashikim në lidhje me rezultatin e betejës për qytetin strategjik kyç në rajonin e Luhansk, shkruan CNN, përcjell “Bota sot”.
Maliar shtoi se forcat ruse në rajon kanë një avantazh në numrin e personelit dhe armëve.
