5
Shkup, 24 prill – Partneriteti strategjik mes Republikës së Maqedonisë dhe Mbretërisë së Bashkuar u konfirmua me bashkëpunimin ekonomik dhe politik, tha zëvendëskryeministri Aleksandar Nikollovski në takimin me Stiven Dautit, ministër i obiguar për Evropë dhe Amerikë të Veriut në Qeverinë e Mbretërisë së Bashkuar.
Nga Ministria e Transportit sot kumtuan se ai e ka potencuar bashkëpunimin ekonomik dhe investimet si segment kyç në përforcimin e marrëdhënieve miqësore mes dy vendeve.
“Marrëdhëniet bilaterale vazhdojnë në nivelin më të lartë, me theks të posaçëm në nxitjen e bashkëpunimit tregtar, veçanërisht në sektorin e infrastrukturës. Mundësinë për avancimin e marrëdhënieve ekonomike, zëvendëskryeministri Nikolloski e ceku në investime të reja dhe realizimin e projekteve kapitale”, thuhet në kumtesë.
Duke folur për planin zhvillimor ekonomik të vendit, Nikolloski theksoi se projektet investuese parashikojnë rritje dhe zhvillim ekonomik për Maqedoninë e Veriut dhe për tërë rajonin, duke theksuar veçanërisht zhvillimin dhe modernizimin e korridoreve të transportit, si parakusht për rritjen e ekonomive kombëtare.
Në takim u shkëmbyen edhe përvoja dhe praktika në aplikimin e teknologjive të reja, aplikimin e sistemeve të reja në sektorin hekurudhor dhe të udhëtarëve.
“Zëvendëskryeministri Nikolloski po ashtu e theksoi partneritetin strategjik në kuadër të Aleancës së NATO-s, duke theksuar se Maqedonia si anëtare fuqiplotë tregon nivel të lartë të sigurisë, që është segment kyç në tërheqjen e investimeve të reja”, njoftoi Ministria e Transportit.
Takimi i sotëm është në kuadër të vizitës zyrtare të nivelit të lartë në Mbretërinë e Bashkuar të delegacionit të kryesuar nga zëvendëskryeministri, Aleksandar Nikolloski.
BURIMI: zhurnal.mk
