Presidenti ukrainas Volodymyr Zelensky thotë se hetuesit kanë zbuluar më shumë se 400 krime lufte në zonat e Khersonit të braktisura nga forcat ruse teksa po tërhiqeshin.
Zelensky tha se ishin gjetur trupat e civilëve dhe ushtarëve, raporton BBC.
Moska mohon se trupat e saj synojnë qëllimisht civilë.
Ndërkohë autoritetet ukrainase vendosën një shtetrrethim gjatë natës dhe kufizuan udhëtimet brenda dhe jashtë Kherson.
“Në rajonin e Khersonit, ushtria ruse la pas të njëjtat mizori si në rajonet e tjera të vendit tonë, ku mundi të hynte”, tha Zelensky në fjalimin e tij të natës me video.
“Ne do të gjejmë dhe nxjerrim para drejtësisë çdo vrasës”, tha ai.
Burimi: GAZETA.MK
