Presidenti ukrainas Volodymyr Zelensky vazhdon të kritikojë reagimin e pamjaftueshëm të botës ndaj sulmeve ruse.
“Presioni ndaj Rusisë është ende i pamjaftueshëm dhe sulmet e përditshme ruse në Ukrainë e dëshmojnë këtë”, tha presidenti ukrainas.
“Numri i sulmeve ajrore po rritet. Kjo është mënyra se si Rusia zbulon synimet e saj të vërteta – të vazhdojë terrorin për aq kohë sa e lejon bota”, shtoi Zelensky.
Presidenti publikoi statistika mbi sulmet ruse gjatë javës së kaluar: më shumë se 1,460 bomba, gati 670 dronë dhe mbi 30 raketa të llojeve të ndryshme janë lëshuar.
“Këto sulme janë përgjigja e Putinit ndaj të gjitha përpjekjeve diplomatike ndërkombëtare. Secili prej partnerëve tanë – Shtetet e Bashkuara, e gjithë Evropa, e gjithë bota – ka parë që Rusia synon të vazhdojë luftën dhe vrasjen”, shtoi ai.
“Kjo është arsyeja pse nuk mund të ketë lehtësim të presionit. Të gjitha përpjekjet duhet të synojnë garantimin e sigurisë dhe afrimin e paqes”, tha për fund Zelensky.
Burimi: botasot.info
