Shkarkimi i Fadil Zendelit tashmë dy ditë ka bllokuar Kuvendin. Por, sipas deputetit Skender Rexhepi, Fadil Zendeli do të shkarkohet sepse sipas rregullores, ai vend I takon shumicës parlamentare e jo opozitës.
Për deputetin e Alternativës, qëllimi i VMRO-së dhe i “Levicës”, është i kuptueshëm por thotë se është i habitur me deputetin shqiptar, i cili sipas deputetit Rexhepi, vite më parë është betuar se s’do të bëhet as deputet i LSDM-së, e tash mbrohet nga VMRO-ja dhe E Majta, e cila të gjithë reputacionin që gëzon e ka nga politika anti-shqiptare.
Sipas Rexhepit, Zendeli s’i ka mbetur tjetër, veç “ta qajnë nga gratë e Zajazit”, duke shtuar se ndonjëherë gëlltiet edhe kjo.
Ai ka pyetur se kujt vallë po i shërben deputeti Zendeli?
Ndryshe, shumica parlamentare tash e dy ditë po kërkon shkarkimin e Fadil Zendelit, deputet i Lëvizjes Besa, nga Komisioni për Zgjedhje dhe Emërime, por i njëjti nuk është shkarkuar pasi mbrohet nga deputetët e opozitës shqiptaro-maqedonase.
