Zayn Malik ka ndarë një rrëfim të rrallë mbi jetën e tij.
Këngëtari u shfaq në podcastin “Call Her Daddy” për herë të parë pas 6 vitesh dhe foli për gjithçka, nga bashkëprindërimi me ish-in Gigi Hadid deri te mosmarrëveshja e 2021-ës me nënën e saj, Yolanda Hadid.
Zayn dhe Gigi, të cilët kanë një vajzë 2-vjeçare Khai, u ndanë në fund të vitit 2021 mes raportimeve se ai kishte debatuar me nënën e saj Yolanda Hadid në shtëpinë e tij në Pensilvani. Sipas një raporti policor të publikuar atë vit, Zayn u akuzua se kishte vepruar me “qëllim për të ngacmuar, mërzitur ose alarmuar” Gigi (e cila nuk ishte e pranishme) dhe Yolandan, ndërsa dyshohet se ofendoi, kërcënoi dhe goditi këtë të fundit. Në atë kohë, Zayn mohoi akuzat dhe bëri një deklaratë, duke thënë se ai donte të mbronte vajzën e tyre duke i dhënë asaj “privatësinë që meriton”. Gati dy vite më vonë, këngëtari i qëndron deklaratës së tij.
“Unë e di se si ishte situata, e di se çfarë ndodhi dhe njerëzit e përfshirë e dinë se çfarë ndodhi gjithashtu. Dhe kjo është gjithçka që më intereson vërtet. Unë thjesht nuk doja të tërhiqja vëmendje për asgjë. Thjesht nuk doja të përfshihesha në një zhurmë të tillë – çdo lloj lajmi në internet vajza ime mund ta shikonte kur të rritet dhe nuk ka kuptim për mua.”
Siç shpjegoi Zayn, ai beson se e trajtoi situatën “në mënyrën e duhur dhe të respektueshme”.
“Dhe kjo është gjithçka që duhet thënë”, vazhdoi ai. “Unë thjesht ndjej se ka shumë negativitet.”
Zayn foli gjithashtu mbi rëndësinë e mbajtjes private të çështjeve personale.
“Nëse diçka ndodh në familje, do të preferoja ta mbaja atë mes familjes,” tha ai. “Ju nuk keni nevojë për një mendim nga njerëzit, sepse është mjaft e vështirë të menaxhohet mes dy personave.”
Sa i përket marrëdhënies me ish-in e tij, Zayn vuri në dukje se ai dhe Gigi kanë një lidhje “vërtet të mirë”, duke konfirmuar se ai ka gjysmën e kujdestarisë së të bijë.
“Unë jam shumë i kujdesem me fëmijën tim në çdo rast që mund të jem,” shpjegoi ai. “Nëse do të mund të merrja 60 për qind të kujdestarisë, do ta bëja”.
