Sipërmarrësi britanik i muzikës dhe ylli i YouTube, Jamal Edwards, ka vdekur në moshën 31-vjeçare, ka thënë kompania e tij për BBC.
Ai ishte themeluesi i SBTV, një platformë muzikore urbane në internet e cila ndihmoi në nisjen e karrierës së artistëve si Dave, Ed Sheeran dhe Skepta.
Kryesuesi i klasifikimit AJ Tracey ishte një nga të parët që bëri homazhe në internet, duke postuar në Twitter “RIP Jamal Edwards, statusi i legjendës së Londrës perëndimore”.
Edwards u bë ambasador i Prince’s Trust, një shoqatë bamirësie për të rinjtë e drejtuar nga Princi i Uellsit, i cili ndihmon të rinjtë të krijojnë kompanitë e tyre.
Ai mori pjesë në Brit Awards në fillim të këtij muaji dhe u kuptua se kishte performuar si DJ në një koncert në veri të Londrës të shtunën mbrëma. Nuk janë dhënë detaje për vdekjen e tij, përveçse ajo ka ndodhur mëngjesin e së dielës, 20 shkurt.
Homazhet për Edwards, një figurë pioniere në muzikën rep dhe grime britanike, janë bërë nga shumë interpretues në të dy zhanret.
