Sulmuesi i Evertonit dhe i Kombëtares së Anglisë Dominic Calvert-Lewin është gjobitur nga policia pasi që ishte kapur duke tejkaluar shpejtësinë e lejuar me veturën e tij sportive.
Calvert-Lewin e pranoi që ishte duke vozitur veturën e tij sportive të markës “Lamborghini” në 93 km/h, në një zonë ku shpejtësia ishte e lejuar 80 km/h.
Me këtë rast, ylli anglez u dënua me tre pikë heqje nga Gjykata e Magistrates në qytetin e Chester, dhe me gjobë prej 1,913 eurosh.
Gjobë kjo e cila duhet të paguhet brenda afatit kohorë prej 28 ditësh.
