Pas karrierës së bujshme të dyshes Xavi-Iniesta tek Barcelona, tashmë po flitet për një ribashkim të tyre në krye të katalonasve.
Xavi aktualisht drejton Barcelonë, derisa Iniesta është në fund të karrierës si lojtar aktiv tek Vissel Kobe në Japoni.
I intervistuar ekskluzivisht nga ‘Marca’, Iniesta thotë se është vështirë që ai të jetë në stafin drejtues të ‘bluagranave’.
“Mendoj se është shumë e vështirë. Njerëzit e imagjinojnë sepse na kanë parë bashkë për shumë vite. Do të ishte shumë mirë dhe e këndshme, por është e vështirë”, tha Iniesta.
“Unë ende jam një futbollist. E rëndësishme është që Xavi të bëjë punën e tij dhe që Barça të kthehet aty ku meriton të jetë”, theksoi ish mesfushori i Barcelonës.
