Jordania tha se Programi Botëror i Ushqimit (WFP) do të shkurtojë subvencionet e ndihmës për refugjatët sirianë në këtë vend që nga 1 gushti, transmeton Anadolu.
Sipas një deklarate të ministrit të Jashtëm Ayman Safadi, agjencitë e tjera të ndihmës të OKB-së do të ndjekin shembullin dhe ai theksoi se vendi i tij “nuk do të jetë në gjendje të mbushë boshllëkun”.
“Kjo nuk është për Jordaninë. Është për ata që po shkurtojnë mbështetjen. Ne nuk mund ta mbajmë këtë barrë vetëm”, tha Safadi.
Kryediplomati jordanez vuri në dukje se Jordania do të konsultohet “me vendet pritëse rajonale për të zhvilluar një takim për të siguruar një përgjigje të përbashkët ndaj rënies së mbështetjes për refugjatët sirianë, përfshirë nga WFP-ja dhe të tjerët, dhe masat për të zbutur ndikimin e saj”.
Shifrat e OKB-së tregojnë se Jordania strehon rreth 1,3 milion refugjatë sirianë që nga fillimi i krizës siriane në mars 2011.
