Apple po planifikon të sjellë mbështetje për Apple Intelligence në modelet Apple Watch me përditësimin e gjeneratës së ardhshme, watchOS 12.
Sipas një raporti nga 9to5Mac, watchOS 12 do ta bëjë Apple Intelligence një funksion “zyrtarisht të mbështetur” në Apple Watch. Megjithatë, shumica e këtyre veçorive do të varen nga iPhone-i i lidhur për përpunim, shkruan Business Standard, përcjell KosovaPress.
Sipas raportit, Gurman tha se kompania do të markojë grupin e ri të veçorive në përditësimin watchOS 12 si të “fuqizuara nga Apple Intelligence”.
Megjithatë, pajisja nuk do të ekzekutojë direkt modelet e inteligjencës artificiale, çka sugjeron se funksionet me AI në Apple Watch do të varen nga iPhone i lidhur, të paktën në një masë të caktuar.
Apple tashmë e përdor këtë metodë në watchOS 11 për të paraqitur përmbledhje të njoftimeve në Apple Watch, kur është lidhur me një iPhone që përputhet me Apple Intelligence.
Veçoria Reduce Interruptions Focus (fokusi i reduktimit të ndërprerjeve) funksionon gjithashtu mbi të njëjtin parim.
Aktualisht, nuk ka informacione të sakta mbi funksionet specifike të fuqizuara nga inteligjenca artificiale që do të vijnë në Apple Watch me përditësimin watchOS 12.
Përveç funksioneve të bazuara në AI, pritet që watchOS 12 të përfshijë edhe ndryshime estetike të ngjashme me ato që priten për iOS 19, duke përfshirë ikona më të rrumbullakosura të aplikacioneve, meny të reja sistematike dhe efekte dinamike në gjithë softuerin.
Apple pritet të ndajë më shumë detaje gjatë Konferencës Botërore të Zhvilluesve (WWDC) 2025 në qershor, ku do të prezantojë versionet e reja të sistemeve operative.
Burimi: botasot.info
