Warriors – Celtics sfida e titullit vendoset mes 4300 km distancë

Titulli kampion në NBA për sezonin 2021-2022 do të vendoset me ekipeve të Golden State Warriors dhe Boston Celtics. Kjo e fundit ka faktorin fushë në favor, pasi do të luajë në fushën e saj 4 nga 7 takimet e planifikuara. Duke nisur nga e para, që zhvillohet më 2 qershor.

Dy skuadra që janë në skajet e Amerikës, Boston në Atlanik dhe Golden State në Paqësor. Distanca mes dy qyteteve është 4300 kilometra, një rrugë shumë e gjatë që dy skuadrat do të përshkojnë disa herë gjatë dy javëve vë vijim për të bërë të tyre titullin kampion.

Golden State shkoi i pari në finale, duke u shpallur kampion në Konferencën e Perëndimit. Pak ditë më vonë, një biletë për në “The finals” siguroi edhe Boston, që siguroi titullin kampion në Lindje. Për Celtics ky është një rikthim në finale pas 12 vitesh (hera e fundit në vitin 2010).

Boston është një skuadër me disa talente, që nuk kanë shumë përvojë në ndeshje të tilla, ndaj synojnë të shkaujnë historinë. Disi më favorit shihet ekipi i Warriors, që luan finalen e gjashtë në 8 vitet e fundit. Një ekip disi më i kolauduar me të tilla ndeshje, me Curry, Thompson e Green gati për të ngritur një tjetër titull.

GAZETA.MK

Story i mëparshëm

7 gjëra që tregojnë se ajo nuk ju dashuron më

Story i radhës

‘Policët bënin humor’, trondit babai i 20 vjeçares – zbulon detaje të reja

Të fundit nga

AlbanianMacedonianEnglish