Vulin pretendon se një grup kriminal planifikoi vrasjen e Vuçiqit

Ministri i brendshëm i Serbisë, Aleksandar Vulin, po thotë se një organizatë kriminale e kryesuar nga shtetasi malazez Radoje Zvicer, një nga liderët e ‘’klanit Kavac’’, kishte planifikuar vrasjen e presidentit serb Aleksandar Vuçiq.

”Anëtarët e MPB-së dhe BIA-s, së bashku me përfaqësuesit e Europol-it dhe shërbimet partnere nga të cilët kemi marrë informacion, kanë nisur një aksion gjithëpërfshirës për përcaktimin e identitetit të të gjithë anëtarëve të kësaj organizate kriminale, e cila synon të vrasë presidentin serb Aleksandër Vuçiq”, tha Vulin, shkruan N1 serb.

Ai shpjegoi se më 14 janar, informacioni me shënimin ”urgjent” ka ardhur nga ”pjesëtarë të policisë së një shteti anëtar të Bashkimit Europian”, të cilët kanë informuar Ministrinë e Brendshme të Sërbisë për ekzistencën e një grupi të përbërë nga shtetas të vendeve të ndryshme, qëllimi i të cilit është për të vrarë Vuçiqin.

Në krye të kësaj organizate është shtetasi malazez Radoje Zvicer, për të cilin Serbia tashmë ka lëshuar fletarrest, tha Vulin.

GAZETA.MK

Story i mëparshëm

ВРЕМЕНСКА ПРОГНОЗА: Сончево, студено и ветровито со појава на голомразица

Story i radhës

Zbulohet “Omicron 2” në Greqi, mbi 100 viktima

Të fundit nga

AlbanianMacedonianEnglish