Zëvendësguvernatori i Khersonit, i vendosur nga Rusia, Kirill Stremousov, është vrarë në një aksident automobilistik, thonë zyrtarët lokalë dhe mediat.
Stremousov, 45 vjeç, u emërua dy muaj pas pushtimit të Rusisë.
Ai ishte një nga ithtarët më të shquar të pushtimit rus dhe u bë i njohur për deklaratat agresive në rrjetet sociale, shkruan BBC.
Stremousov, i cili ishte ukrainas, kërkohej për tradhti nga policia ukrainase.
Guvernatori i emëruar nga Rusia i Khersonit, Vladimir Saldo tha se zëvendësi i tij ishte vrarë, por zyrtarët ukrainas kanë shprehur skepticizëm në lidhje me raportet, të cilat nuk mund të verifikohen në mënyrë të pavarur.
Agjencia e lajmeve Interfax citoi zyrtarët të kenë thënë se përplasja ka ndodhur në një rrugë midis qytetit Kherson dhe Armyansk, një qytet në juglindje të Krimesë së aneksuar nga Rusia.
Burimi: GAZETA.MK
