Eksperti i kriminalistikës, Ervin Karamuço thotë se vrasja e 64-vjeçarit Gjovalin Prendi babait të Roan Brahimit, armiku i Ervis Martinajt, ishte e parashikuar.
Në një intervistë për “Ora e Fundit” në ABC News, Karamuço u shpreh se atentati në Lezhë, dyshohet për hakmarrje. Lidhur me Ervis Martinajn, Karamuço u shpreh se për sa kohë nuk gjendet ADN e tij, ai konsiderohet person i humbur.
“Një ngjarje që nuk dihej koha dhe ora, por që ishte parashikuar nga organet ligjzbatuese, dihej. Edhe për shkak të dy herë atentateve që atij biznesi i janë bërë. Mund të jetë pjesë e një hakmarrje për shkak të veprimtarisë së një viktime tjetër, djalit të tij. Ai ka qenë i dyshuar për disa ngjarje. Sapo është kthyer dhe ka shkelur në tokë helene, është ekzekutuar.
Pa gjetur ADN, nuk mund të themi nëse është gjallë apo ka vdekur. Për mua është i humbur. Nuk është vetëm kjo pistë e kësaj ngjarjeje sot, ka edhe pista të tjera. Policia ende nuk është e përqëndruar në një pistë”, theksoi ai.
Burimi: botasot.info
