Një adoleshent u dënua me 100 vite burgim pasi mbyti motrën dhe vëllain në shtetin amerikan Indiana.
Fjala është për dy dënime me nga 50 vite për vrasjen e gjysmëvëllait dhe motrës në vitin 2017, e krimet i kreu Nickalas Kedrowitz kur ishte vetëm 13-vjeç. Megjithatë, gjykatësi insistonte që të gjykohet sikur të ishte i rritur, raportojnë media e huaja.
Avokati i vrasësit 17-vjeç, ka thënë se klienti i tij ka probleme mendore dhe se nuk është shëruar, por gjykatësi Ripley Richard Hertel ka theksuar se vrasjet janë kryer në një distancë kohore prej disa muajve.
Kedrowitz u dënua për vrasjen e vëllait 11-muajsh Nathaniel Ritz dhe motrës 23-muajshe Desiree McCartney, të cilët i vrau në maj dhe korrik të vitit 2017 në shtëpinë e tyre në Osgood të Indiana.
Ai u arrestua në gusht të vitit 2018, e detektivëve u kishte thënë se “ka çliruar vëllain dhe motrën nga zjarri i ferrit”. Gjithashtu kishte theksuar se vëllain dhe motrën i kishte ngufatur me peshqir.
Sikur kjo të mos mjaftonte, i riu i kishte thënë policëve se para vrasje “kishte folur me Zotin dhe se për këtë nuk mund të diskutojë me ta, pasi një gjë të tillë ia kishte premtuar Zotit”.
