Bryan Kohberger, 28- vjeçari, i cili akuzohet për vrasjen e katër studentëve të Universitetit të Idahos në nëntor pranoi të ekstradohej në Idaho gjatë paraqitjes së tij në gjykatë të martën në Monroe County, Pensilvani.
Kohberger nuk ka gjasa të kthehet në Idaho së shpejti, thanë autoritetet. Christopher Paris Drejtori i Policisë së Shtetit të Pensilvanisë u tha gazetarëve se agjencitë e ndryshme të përfshira në këtë rast janë ende duke finalizuar logjistikën e transportit të të dyshuarit, duke përfshirë se kush do ta transportojë atë dhe si.
Paris nuk ka informuar se kur do të ndodhë ekstradimi, por tha se do të bëhet brenda afatit 10-ditor të urdhëruar nga gjykata.
Deklarata e mundshme e shkakut që dyshohet se lidh Kohberger me vrasjet duhet të mbetet e mbyllur derisa ai të kthehet në shtet, kishin thënë më parë prokurorët.
Të martën mbrëma, gjykatësja e Magjistraturës së Qarkut Latah, Megan Marshall, lëshoi një urdhër për mospërhapjen e çështjes, tha Departamenti i Policisë së Moskës.
“Urdhri ndalon çdo komunikim nga hetuesit, personeli i zbatimit të ligjit, avokatët dhe agjentët e avokatit të akuzës ose avokatit mbrojtës në lidhje me këtë çështje,” tha departamenti, duke shtuar “Për shkak të këtij vendimi gjyqësor, Departamenti i Policisë së Moskës nuk do të komunikoj me publikun apo median lidhur me këtë rast”.
Kohberger, një Ph.D. student në departamentin e drejtësisë penale dhe kriminologjisë në Universitetin Shtetëror të Uashingtonit, u arrestua javën e kaluar me akuza për vrasje dhe vjedhje të shkallës së parë.
Avokati i Kohberger, Mbrojtësi Publik i Qarkut Monroe, Jason LaBar, tha në një deklaratë se klienti i tij “Mezi po pret për t’u shfajësuar nga këto akuza dhe pret që këto çështje të zgjidhen sa më shpejt që të jetë e mundur”.
LaBar tah për ABC News se dënimi me vdekje mund të ndodhë.
Kohberger u arrestua të premten në malet Pocono të Pensilvanisë për vrasje të Xana Kernodle, Kaylee Goncalves dhe Madison Mogen, si dhe të dashurit të Kernodle, Ethan Chapin në 13 Nëntor.
Katër viktimat u vranë me thikë në shtëpinë e vajzave jashtë kampusit në mes të natës.
