Enzi Maze, shoku i autorit të krimit që vrau 20-vjeçarin Stiven Toshkesi pak ditë më parë në Tiranë është lënë nën masën e sigurisë “arrest me burg” nga gjykata.
Avokati i tij ka deklaruar për mediat se Maze nuk ka qenë në dijeni të konfliktit mes dy personave dhe sipas tij nuk e dinte se Axel Hoxhaj kishte thikë me vete.
Ai thotë se Maze e ka bllokuar derën e pasagjerit në mënyrë që konflikti mes tyre të mos agravonte dhe nuk ka bërë asnjë veprim të dhunshëm në momentin kur ka ndodhur përleshja.
“Enzi Maze është student në Holandë. Ka ardhur me biletë edhe kthimi. Do kthehej në datë 19. Ka ardhur një mjet që është ndaluar. Ka parë që shoku i tij shkon në drejtim të shoferit.
Është munduar që të mbajë pasagjerin që të shuajë konfliktin. Pasagjeri shtyn me forcë derën dhe i vërsulet Enzi Mazes,. Enzi Maze nuk bën asnjë veprim të dhunshëm. Nuk e dimë as ne se ku ka ndodhur si vrasje”, është shprehur ai.
