Një 51-vjeçar është vrarë mesditën e sotme në qytetin e Shkodrës, teksa policia po kryen kontrolle në të gjithë qytetin. Ngjarja ka ndodhur rreth orës 12:15, në lagjen “Tom Kola”, ku në rrethana ende të paqarta, në banesë është vrarë me armë zjarri shtetasi Petrit Vuksani, 51 vjeç.
Sipas njoftimit zyrtar, shërbimet e Policisë dhe grupi hetimor kanë shkuar menjëherë në vendngjarje.
Janë ngritur pika kontrolli dhe po ushtrohet kontroll në zonë për kapjen e autorit të dyshuar.
Grupi hetimor, në drejtimin e Prokurorisë, po vijon punën për sqarimin e rrethanave të ngjarjes, si dhe për sigurimin e çdo prove, me qëllim identifikimin dhe kapjen e autorit.
