Me një tytë dyshe të improvizuar, por vdekjeprurëse, të bërë me tuba, bateri dhe plumba metalikë, 41-vjeçari Tetsuya Yamagishi vrau ish- kryeministrin japonez Shinzo Abe.
Në një vend me rregulla jashtëzakonisht të rrepta për mbajtjen e ligjshme të armëve të zjarrit, por edhe krime shumë të rralla me armë, vrasja erdhi si një tronditje. Qytetarët lejohen të posedojnë pushkë ose pistoletë dhe vetëm nëse kalojnë testin.
Sulmuesi, i cili është arrestuar, duket se ka ndërtuar një lloj topi elektrik të disponueshëm për të sulmuar Abe.
Siç shihet në fotot e skenës së krimit dhe indikacionet e hershme, arma e të armatosurit ishte një lloj detonatori elektrik me një bateri dhe tela. Autori ka përdorur barut të zi ose eksploziv nga fishekzjarrët, i cili ka shkaktuar tymin gjatë shpërthimit. Fishekët e armëve përdorin barut pa tym.
Shpërthimi është bërë elektrike me të cilin është ndezur eksplozivi për të hedhur predhën e improvizuar. Dy tubat ishin në një dërrasë druri dhe ishin të lidhura me shirit ngjitës.
Madje autori duket se e ka humbur të shtënën e parë, por i dyti ka plagosur rëndë në qafë Abe, i cili ka humbur jetën disa orë më vonë.
Ky ndërtim i improvizuar kishte saktësi të dobët dhe rreze të shkurtër, kështu që Yamagishi duhej t’i afrohej objektivit të tij.
Policia japoneze konfirmoi se sulmuesi pranoi se “arma” e tij ishte e bërë vetë. Në fakt, në banesën e tij janë gjetur armë të tjera të improvizuara, si dhe lëndë plasëse .
