VMRO-DPMNE e akuzon Bojan Mariçiqin për mosrespektim të maqedonasve nga Bullgaria. Deklarata e Mariçiqit se hapja e një klubi maqedonas në Bllagoevgrad është një ngjarje private është cilësuar nga VMRO-ja si e padenjë,
“Bojan Mariçiq është i fundit në serinë e zyrtarëve dhe ministrave, përfshirë Kovaçevskin, të cilët nuk i nderojnë maqedonasit nga Bullgaria duke marrë pjesë në hapjen e klubit maqedonas. Ata shkojnë një hap më tej dhe i shajnë. Deklarata e Mariçiqit se hapja e një klubi maqedonas në Bllagoevgrad është një ngjarje private dhe nuk kanë për detyrë të marrin pjesë në hapje është poshtëruese, e turpshme dhe e padenjë. Në të njëjtën kohë, ky klub maqedonas në Bllagoevgrad mban emrin e shkrimtarit dhe aktorit të madh Nikola Vaptsarov dhe në asnjë mënyrë nuk është ofendues ndaj Bullgarisë, siç janë emrat Vanço Mihailov dhe Car Boris, të cilët përdoren në Maqedoni. Meqë ra fjala, vetë institucionet të cilave u referohet Mariçiq lejuan hapjen e klubeve bullgare me emra të tillë në kohën kur Mariçiq e ndaloi emrin “Maqedoni” për emrat e shoqatave”, thuhet në komunikatën e VMRO-së.
