“Artan Grubi nga BDI dhe ndihmësit e tij nga LSDM kanë vite që ndërhyjnë në organet e drejtësisë. Gjatë qeverisjes së tyre të përbashkët shtatëvjeçare në koalicionin kriminal, është ushtruar presion mbi gjyqësorin dhe vendimet janë marrë me urdhër dhe diktim të tyre”, thonë nga partia në pushtet VMRO-DPMNE.
“Artan Grubi, i përkrahur dhe i ndihmuar nga LSDM, ka vite e fikur, ka qenë alfa dhe omega në drejtësi. Gjyqtarët dhe prokurorët janë zgjedhur në selitë partiake të LSDM-së dhe BDI-së.
Kjo shihet nga vendimet që kanë marrë. Në vend të ligjit, gjyqtarët merrnin vendime me diktat dhe urdhra të Artan Grubit.
Kur SHBA zbuloi, dhe për këtë e futën në listën e zezë, se Artan Grubi mori para për të ndikuar në drejtësi dhe për t’i dhënë vendime sipas dëshirës së tij, ne pyesim se sa vendime gjyqësore janë marrë nën diktimin e tij dhe sa çështje ka penguar duke parë dritën e ditës?
Nga ana tjetër, lind një pyetje tjetër, se sa ka përfituar Artan Grubi, pra sa ryshfet ka marrë për të ndikuar në vendimet e gjykatave, sa para ka fituar në kurriz të pengimit të drejtësisë dhe me kë ka ndarë paratë?
Nga e gjithë kjo rezulton se jo rastësisht besimi i qytetarëve tek gjyqësori është vetëm 2%. Është i ulët sepse gjyqtarët nuk kanë punuar sipas ligjit, por nën presionin dhe diktatin e Artan Grubit, i cili ishte zëvendëskryeministër në qeverisjen kriminale të SDS-së dhe BDI-së”, thonë nga VMRO-DPMNE.
Burimi: alfax.mk
