Një statujë e ndërtuar për nder të Erling Haland në Byrne të Norvegjisë, është bërë objekti kryesor i një ngjarje shumë të çuditshme.
Statuja në fjalë, që do të vihej në ankand për të siguruar fonde për ndërtimin e një spitali në Tanzani, është vjedhur.
Dhe nuk ka qenë një statujë dosido, por një monument i lartë 3 metra që peshonte 600 kilogram.
Ndaj për ta vjedhur nuk ka qenë aspak e lehtë. E megjithatë, skulptori ka marrë një telefonatë ku i shpjegohej se pse kishte ndodhur një gjë e tillë nga vetë autori i kësaj grabitje.
Sipas mediave, hajni i kishte shpjeguar skulptorit se e kishte vjedhur statujën në shenjë proteste pasi ajo nuk i ngjante aspak sulmuesit të Manchester City dhe përfaqësueses së Norvegjisë.
