Në bujqësi nuk ka politikë, ju kam bërë apel të gjithë deputetëve që të kenë mirëkuptim për nevojat e bujqve dhe të votojnë ligjet që janë në Kuvend. Kështu deklaroi Ministri i Bujqësisë, Lupço Nikollovski, i cili ishte i ftuar në emisionin debativ në TV Shenja, ku u diskutua për bllokadën në Kuvend nga ana e VMRO-së opozitare, kriza për shkak të luftës në Ukrainë dhe tema të tjera.
LJUPÇO NIKOLLOVSKI, MINISTËR I BUJQËSISË
“Në veçanti këtë vit nuk mund të ketë pasi zgjidhje ligjore kualitative nga të cilat varet pagesa e subvencioneve, 40% mbështetje për fermerët e rinj dhe shumë masa të tjera dhe politika të tjera zhvilluese të cilat janë në Kuvend. Unë kam folur me kryetarin e komisionit për Bujqësi në Kuvend dhe me gjithë anëtarët e saj. Kam qenë në Kuvend në shumë seanca plenare. Pastaj kam dërguar letër deputetëve. Këtë letër e kam dërguar para dy muajve. Para dy muajve jam drejtuar si ministër, pa e ditur opinioni. Kam shpresuar që do të ketë mirëkuptim për nevojat e bujqëve. 77 mijë aplikues të cilët prodhojnë ushqimin në shtet, ata e presin mbështetjen tonë”.
Ministri Nikollovski, theksoi se bujqit janë ata të cilët më së shumti janë prekur nga bllokadat e ligjeve në Kuvend.
LJUPÇO NIKOLLOVSKI, MINISTËR I BUJQËSISË
“Një numër i madh i ligjeve, janë në procedurë kuvendore, në komisione, në seanca plenare dhe mendoj se është e papërgjegjshme që të bëhet kjo ndaj qytetarëve. Qytetarët janë të lodhur nga bllokadat, opstrukcionet dhe zënkat në mes partive politike. Nuk kanë faj qytetarët që LSDM-ja dhe VMRO-ja nuk mund të merren vesh për ndonjë ide joracionale. Ne kemi disa kriza. Ministria funksionin me shtab të krizës i cili merret merret ma planin nacional për prodhim të ushqimeve”
Ministri i Bujqësisë, Lupço Nikollovski, është ankuar se nuk mund të paguajnë subvencionet për bujqit, shkaku i bllokadës në Kuvend, ndërsa i ka bërë thirrje VMRO-së që të reflektojë për të mirën e qytetarëve.
Samir Mustafa /SHENJA/
