Një këmbësore është goditur nga një veturë në fshatin Krushë e Madhe në komunë e Rahovecit.
E njëjta ka marrë lëndime të rënda trupore dhe është duke vazhduar trajtimin në Qendrën Klinike Universitare të Kosovës, teksa i dyshuari është ndaluar për 48 orë.
“Sot më datë 17.05.2022, rreth orës 13:00, policia është informuar se ne fshatin Krushë e Madhe KK-Rahovec, kishte ndodhë aksident me lëndim te rënda trupore, te involvuar një automjet dhe një këmbësorë. Deri te aksidentit kishte ardhur kur i dyshuarin kishte qenë duke drejtuar automjetin e tij te llojit VË Golf, në aksin rrugor Prizren- Gjakovë, dhe në dalje të fshatit Krushë e Madhe, papritmas nga pa kujdesia dhe duke mos iu përshtatur shpejtësinë e godet viktimën/këmbësoren e cila ne momentin kishte qenë duke kaluar rrugën. E lënduar pas aksidentit dërgohet në emergjencën e spitalit Rajonal ne Prizren dhe pastaj për shkak te lëndimeve të rënda trupore dërgohet në QKUK”.
“Lidhur për rastin është njoftuar prokurori kujdestar, dhe me urdhër të ti, i dyshuari ndalet në qendrën e ndalimit prej 48 orësh teksa hetimet vazhdojnë”, thuhet në njoftimin e policisë.
