Gazetari Artan Hoxha ka deklaruar ditën e sotme se kryeministri Edi Rama ka një stilist privat që kujdeset për pamjen e jashtme në daljet e tij publike.
Ai tha se kreu i qeverisë vesh gjithmonë rroba të kushtueshme. “Me Ramën mund të kemi shumë kritika, vesh rroba të kushtueshme. Ai ka një person që merret me veshjen e tij. Vetëm po ti biesh nga mbrapa veshjes e kupton mirë që ajo ka një kosto” tha Artan Hoxha në ABC.
Ndalur te ligji i ri për amnistinë fiskale, Hoxha tha se ajo bëhet për të pastruar paratë e korrupsionit ku përfitojnë më shumë zyrtarët dhe politikanët e korruptuar
“Trafikantët e sjellin paranë nga çdo vend i votës. Ndërsa korrupsioni vjedh paranë e ligjshme dhe i nxjerr jashtë në kompanisë ofshore.
Midis këtyre dy të këqijave, kush është më pak e dëmshme?. Unë po mendoj që kjo po bëhet për të pastruar paratë e korrupsionit. Përfitojnë më shumë zyrtarët dhe politikanët e korruptuar nga amnistia fiskale”, tha ai.
Sipas gazetarit paratë e pista përdoren për të sponsorizuar fushatat elektorale “Ne ndodhemi në situatën që qarkullon shumë para e pistë. Shikon Tiranën, popullsia zvogëlohet, rrogat nuk rriten, ndërsa ndërtimet dhe çmimet rriten. Kush i rrit çmimet e apartamenteve? Blejnë me para të pista? Jo. Kjo para e pistë vendos për fatet tona, sponsorizojnë fushatat.
Si vjen paraja e pisët në Shqipëri? Toyota Yaris ishte një formë. Nga Anglia vjen me Range Rover. Kjo histori duhet të marrë fund një ditë. Sot ne atë para e kemi në qarkullim dhe nuk e bllokojmë dot. Është paraja numër një që investohet në fushata elektorale. Ne duhet të vendosim. Pse e bën Rama luan pak rol. Për mua luan rol si do ta bëjë”, u shpreh gazetari
