vershime te medha ne greqi ne disa zona uji kaloi nje meter 67ebbb900a8a5

Vërshime të mëdha në Greqi, në disa zona uji kaloi një metër

April 1, 2025
1 minut lexim

Moti i keq ka përfshirë Greqinë. Paros dhe Mykonos, dy nga destinacionet më të njohura turistike, u gjendën të bllokuara në kaosin e lënë pas nga një stuhi tipike kontinentale.

Në Paros shiu shumë shpejt i ktheu rrugët në përrenj të rrëmbyeshëm. Përmbytjet, mbeturinat, balta dhe makinat që fshihen nga ujërat krijojnë një skenë shkatërrimi biblik. Për orë të tëra, qarkullimi në rrugët kryesore ishte i pamundur, pasi përrenjtë u frynë dhe shkëmbinjtë u shkëputën nga shpatet, duke e bërë jashtëzakonisht të vështirë edhe aksesin e ekipeve të shpëtimit.

Qendra Operacionale e Zjarrfikëses është vërshuar nga thirrjet, ndërsa prania e forcave të Policisë, të Mbrojtjes Civile dhe Zjarrfikësve ka qenë intensive gjatë gjithë ditës së djeshme, nën vigjilencë të vazhdueshme.

Një helikopter me drejtues të EMAK u dërgua në ishull, por ai nuk mundi të ulej për shkak të kushteve ekstreme të motit. Pasdite banorët janë njoftuar me një mesazh të 112 për të shmangur çdo lëvizje, pasi fenomenet janë cilësuar si të rrezikshme dhe jashtë kontrollit. Në të njëjtën kohë, u vendos mbyllja e të gjitha shkollave në ishull për ditën e martë.

Mykonos ishte në të njejtën situatë. Breshëri dhe shiu goditën me furi ishullin e erërave, duke shkaktuar imazhe të ngjashme kaosi.

Rrugët u kthyen në lumenj dhe përmes përrenjtë e vrullshëm të ujit rrëmbyen makinat, të cilat ishin bllokuar në rrugicat e ngushta të ishullit. Në disa vende niveli i ujit ka kaluar një metër, duke i kthyer rrugët në lumenj dhe duke bërë të pamundur kalimin e mjeteve dhe këmbësorëve. Dhjetra banorë u detyruan të mbeten të bllokuar në shtëpitë e tyre, në pamundësi për t’u larguar, ndërsa autoritetet morën thirrje të vazhdueshme për ndihmë.

Burimi: botasot.info

MARKETING

RENT A CAR

MARKETING

kupa e shqiperise merr skenen te merkuren dhe te enjten luhen takimet cerekfinale 67ebb80732c37
Story i mëparshëm

Kupa e Shqipërisë merr “skenën”, të mërkurën dhe të enjten luhen takimet çerekfinale

komuna e vitise hap thirrje publike per mbeshtetje financiare te ojq ve ne kulture rini dhe sport 67ebbc3f1b564
Story i radhës

Komuna e Vitisë hap thirrje publike për mbështetje financiare të OJQ-ve në kulturë, rini dhe sport

Të fundit nga

Alimehmeti: Erion Veliaj vodhi për vite me radhë

Kandidati për deputet i Partisë Demokratike, Ilir Alimehmeti, gjatë një debati televiziv me rivalët e tij nga Partia Socialiste, ka akuzuar drejtësinë për mosveprim dhe ka ngritur shqetësime mbi nivelin e varfërisë
afsqamarhyazeubebnbsbgcacebnyzh-CNzh-TWcohrcsdanleneoettlfifrfyglkadeelguhthahawiwhihmnhuisigidgaitjajwknkkkmkokukylolalvltlbmkmgmsmlmtmimrmnmynenopsfaplptparorusmgdsrstsnsdsiskslsoessuswsvtgtatethtrukuruzvicyxhyiyozu
ShkoLartë