Lidhja Socialdemokrate e Maqedonisë (LSDM) rizgjodhi të dielën Venko Filipçen si kryetar të partisë, në kuadër të zgjedhjeve të jashtëzakonshme të drejtpërdrejta brendapartiake.
Filipçe, i cili ishte kandidati i vetëm në garë, mban këtë post që nga qershori i vitit 2024, kur u zgjodh pas dorëheqjes së Dimitar Kovaçevskit nga udhëheqja e partisë.
Procesi i votimit u zhvillua në 78 vendvotime në të gjitha organizatat komunale të LSDM-së, me qendrat e votimit të hapura nga ora 08:00 deri në 20:00.
Sipas të dhënave zyrtare nga partia, Komisioni Qendror Zgjedhor ka përmbyllur listën zgjedhore me gjithsej 23.712 anëtarë aktivë.
Burimi: lajme24.mk
