Presidenti i Partisë së Lirisë, Ilir Meta ka reaguar në lidhje me vendimin e Gjykatës së Romës për kthimin e emigrantëve që erdhën në Shqipëri sërish në Itali.
Me anë të një postimi në rrjetet sociale, Meta thotë se me këtë vendim u rrëzua edhe Gjykata Kushtetuese e Shqipërisë.
Që sipas tij ka shkelur Kushtetutën dhe Konventën Evropiane të të Drejtave të Njeriut.
“Vendimi i Gjykatës së Romës për të rrëzuar paktin Rama-Meloni rrëzon edhe Gjykatën Kushtetuese të Shqipërisë, si një institucion të uzurpuar nga Edi Rama që shkel Kushtetutën, Konventën Europiane të të Drejtave të Njeriut, ligjet ndërkombëtare të refugjatëve dhe marrëveshjet shqiptaro-italiane për refugjatët”, shkruan Meta.
Burimi: botasot.info
