Një dokumentar i transmetuar nga transmetuesit publik të katër vendeve kryesore nordike pretendon se Rusia ka stacione spiunazhi në tre nga kryeqytetet e tyre, respektivisht në Kopenhagë të Danimarkës, Oslo të Norvegjisë dhe Stockholm të Suedisë, duke lënë mënjanë vetëm Finlandën.
Dokumentari ‘Skyggerkrigen’ (Lufta në hije) gjithashtu përmend deri në 38 oficerë të inteligjencës nga departamentet ruse të spiunazhit ‘SVR’, ‘GRU’ dhe ‘FSB’, të cilët dyshohet se janë pjesë e operacioneve të spiunazhit në vendet nordike.
“Kur bisedohet për Rusinë, një pjesë e madhe e misioneve diplomatike janë oficerë të inteligjencës ruse nga shërbime të ndryshme të inteligjencës”, thotë në dokumentar Daniel Stenling, shefi i kundërzbulimit në shërbimin suedez të inteligjencës ‘SAPO’, shkruan Anadolu.
Duke shpjeguar shtrirjen dhe intensitetin e operacioneve ruse, shefi i shërbimit informativ në Policinë Daneze (PET), Anders Henriksen, tha se shërbimet ruse janë shumë profesionale.
“Ata janë jashtëzakonisht të aftë, janë shumë të plotë dhe kanë shumë burime në dispozicion të tyre me fuqi me ndikim shumë të gjerë”, tha Henriksen.
Duke folur në dokumentar, personeli i shërbimit të inteligjencës nordike spekulon se gjysma apo një e treta e personelit në ambasadat e vendeve nordike është personel i shërbimit të inteligjencës ruse.
Zëdhënësja e Ministrisë së Punëve të Jashtme të Rusisë, Maria Zakharova, hodhi poshtë këto akuza, duke i quajtur ato “histori të rreme të koordinuara”.
