Llapi i Podujevës është në presionin e ndeshjes së kthimit të Conference League, kundër Buduçnostit të Podgoricës, me synim përmbysjen e humbjes me rezultat 2:0 në ndeshjen e parë.
Futbollisti i Gaziantep, Valmir Veliu, motivon Llapin.
“Valmir Veliu viziton skuadrën në stërvitje para ndeshjes kthyese me Buduçnosti i Podgoricës.
Klubi ynë ka zhvilluar stërvitjen e parë pas dy ditëve pushimi dhe këtë stërvitje nga afër e ka parë edhe futbollisti i Gaziantep, Valmir Veliu.
Veliu i ka dëshiruar shumë suksese ekipit tonë në ndeshjen ndaj Buduçnost Podgoricës, me shpresë që ndeshja në Stadiumin “Fadil Vokrri” do të jetë krejtësisht ndryshe nga ndeshja e parë që të arrihet kualifikimi në raundin e dytë të UEFA Conference League.
Faleminderit Vali, shumë suksese në skuadrën e re, Gaziantep!”, njofton KF Llapi.
