Mendimi, djali i presidentit historik të Kosovës, Ibrahim Rugova, ka zbuluar se cilat ekipet kombëtare i favorizonte babai i tij në Kupën e Botës.
Në intervistën për emisionin “Favoriti i Botërorit”.Mendimi zbuloi se turneu në fjalë ishte rasti i vetëm që presidenti i ndjerë nuk ishte me Shtetet e Bashkuara të Amerikës.
Mendimi pranoi se e gjithë familja Rugova i ka përcjellë ndeshjet e Kupës së Botës.
“Natyrisht edhe presidenti i ka përcjellë. I kemi përcjellë gjithmonë familjarisht. Kryesisht ishte me Gjermaninë, por edhe për ekipet nga Amerika Latine, si Argjentina e Brazili”, tha ai.
“Shtetet e Bashkuara të Amerikës nuk kishin ndonjë ekip të fortë në atë kohë”, deklaroi Mendim Rugova.
Ish-presidenti, Ibrahim Rugova, ishte përkrahës edhe i futbollit vendor, teksa kishte punuar edhe për ndërkombëtarizimin e tij.
